प्रिमियर लिगमा आर्सनलको विजयी शुरुवात

काठमाडौं, भदौ ६ । साविक विजेता आर्सनलले इंग्लिस प्रिमियर लिगमा विजयी शुरुवात गरेको छ । शुक्रबार राति भएको खेलमा कोभेन्ट्री सिटीलाई ३-० गोलले हराउँदै आर्सनलले सहज जित निकालेको हो ।

इमिरेट्स रंगशालामा भएको खेलमा आर्सनललाई जित दिलाउन काइ हाभेर्ट्ज, बुकायो साका र मार्टिन ओडेगार्डले समान एक/एक गोल गरे । खेलको १५ औँ मिनेटमा हाभेर्ट्जले गोल गर्दै आर्सनललाई शुरुवाती अग्रता दिलाएका थिए ।

२३ औँ मिनेटमा साकाले गोल गर्दै आर्सनलको अग्रता दोब्बर बनाए । ४९ औँ मिनेटमा ओडेगार्डले गोल गर्दै आर्सनललाई सहज जिततर्फ अगाडि बढाएका थिए । बाँकी समयमा दुवै टोलीबाट थप गोल हुन नसक्दा आर्सनल ३-० गोलले विजयी भएको हो । जितसँगै आर्सनलले तीन अंक जोडेको छ । आजपनि लिगमा ६ खेल हुँदैछ ।