वुमन्स डे कप क्रिकेट: युगाण्डाले दियो नेपाललाई ७६ रनको लक्ष्य, टी-२०आईमा सना प्रवीनको डेब्यू

काठमाडौं । युगाण्डामा जारी वुमन्स डे कप क्रिकेटअन्तर्गत नेपालले आफ्नो दोस्रो खेलमा युगाण्डाबाट ७६ रनको लक्ष्य पाएको छ । टस हारेर पहिला ब्याटिङ गरेको युगाण्डाले निर्धारित २० ओभरमा ७ विकेट गुमाएर ७५ रन जोड्यो ।

आज नेपाली महिला क्रिकेट टिमका लागि टी-२०आईमा सना प्रवीनले डेब्यू गरेकी छन् । उनले गत जनवरीमा भएको आईसीसी यू-१९ विश्वकप खेलेकी थिइन् ।

युगान्डाका लागि इम्माकुलेट नाकिसुयीले २२ र स्टेफनी नाम्पिनाले १४ रन बनाए ।

बलिङतर्फ नेपालका लागि पूजा महताले तीन विकेट लिईन् । पूजाले चार ओभरम फ्याँक्दा १४ रन दिएर तीन विकेट लिँदा कप्तान इन्दू वर्माले दुई विकेट लिईन् ।

यसअघि नेपालले आफ्नो पहिलो खेल शनिबार नामिबियासँग खेलेको थियो। खेलमा नेपाल ६ विकेटले पराजित भएको थियो ।

आज युगान्डासँग खेलिरहेको नेपालले फागुन २६ गते हङकङसँग खेल्नेछ। त्यसैगरी फागुन २८ गते पुनः नामिबियासँग, २९ गते युगान्डासँग र ३० गते हङकङसँग खेल्नेछ। लिग चरणको खेलमा शीर्ष दुई स्थानमा रहने टोलीले प्रतियोगिताको फाइनल भिड्नेछन्।