सुरेश ढुंगानाको गजल ‘कुमान्छेहरूको’

परेको छ फेला कुमान्छेहरूको
देश त यतिबेला कुमान्छेहरूको ।

सुन्दैमा चित्कार किन रसाउँथ्यो,
आँखा र परेला कुमान्छेहरूको ।

नबोक हे युवा राजनीतिको झोला,
किन बन्छौ चेला कुमान्छेहरूको ।

दुवै हातमा लड्डु थमाउन आउँछन्,
आयो अर्को मेला कुमान्छेहरूको ।

दक्षिण पश्चिमाको उडायो वायुले,
को बुद्धि भर्देला कुमान्छेहरूको ।

शंखरापुर–१ नाङ्लेभारे, काठमाडौं ।