काठमाडौं । साफ च्याम्पियनसिप २०२६ का लागि एञ्जिला तुम्बापो सुब्बाको कप्तानीमा टोली घोषणा भएको छ। राखेपले शुक्रबार एन्फामाथि लगाएको निलम्बन फुकुवा गरेसँगै नेपालले साफ खेल्ने पक्का भएको हो।
प्रमुख प्रशिक्षक नवीन न्यौपानेले एञ्जिलाको कप्तानीमा २३ सदस्यीय टोली घोषणा गरेका हुन्। टिममा एञ्जिलाले कप्तानीमा पुनरागमन गरेकी छन् । नियमित कप्तान सावित्रा भण्डारी साम्बा घुँडाको चोटका कारण रिहाबमा रहेकी छन् ।
नेपाल समूह ए मा रहेर साफ च्याम्पियनसिप खेल्नेछ। नेपालसँगै समूह ए मा श्रीलंका र भुटान रहेका छन्।
नेपालको साफ च्याम्पियनसिप खेल्ने टोली :
गोलकिपर : एञ्जिला तुम्बापो सुब्बा, अन्जना राना मगर, उषा नाथ
डिफेन्डर : गिता राना मगर, पुना राना, विमला विक, हिरा कुमारी भुजेल, प्रतिक्षा चौधरी, समिक्षा घिमिरे, निशा थोकर, सबिना चौधरी
मिडफिल्डर : रेनुका नगरकोटी, दिपा शाही, प्रिती राई, सरु लिम्बु, बिर्सना चौधरी, अनिता बस्नेत, अनिता लम्जेल र अनिता केसी
फर्वाड : रश्मि घिसिङ, रेखा पौडेल, पूर्णिमा राई र मिना देउवा
प्रमुख प्रशिक्षक : नवीन न्यौपाने
प्रतिक्रिया