काठमाडौं, ६ चैत्र । सत्तारुढ दल नेकपा (माओवादी केन्द्र) संसदीय दल कर्णाली प्रदेशले निष्कासित गरेका सांसद ठम्मरबहादुर विष्ट आजै नेकपा (एमाले) प्रवेश गर्ने भएका छन् । उनलाई वरिष्ठ उपाध्यक्ष ईश्वर पोखरेलले एक कार्यक्रमको आयोजना गरी पार्टीमा स्वागत गर्ने जनाइएको छ ।
विष्टले दलको विधान विपरित अभिव्यक्ति र गतिविधि गर्दै आएको भन्दै चैत्र ३ गते बसेको प्रदेश सभाको बैठकले पार्टीबाट निष्कासित गरको उल्लेख गरिएको थियो ।
विज्ञप्तीमा राजीनामा फिर्ता लिएर नियमित कार्यमा क्रियाशिल हुन उनलाई निर्देशन दिएको तर विष्टले अवज्ञा गरेको माओवादी केन्द्रले जनाएको छ ।
उनी सुर्खेतको क्षेत्र नम्बर १ ‘क बाट प्रदेश सभा सदस्यमा निर्वाचित भई कर्णाली प्रदेश संसदीय दलको प्रमुख सचेतक थिए ।
