काठमाडौं, ३० जेठ । कैलालीको जिल्ला समन्वय समितिको प्रमुख र उपप्रमुखमा गठबन्धनका साझा उम्मेदवार निर्वाचित भएका छन् ।
धनगढीमा भएको सोमबार मतदानमा गठबन्धनका उम्मेदवारले एक मतान्तरले विजयी हासिल गरेका हुन् ।
प्रमुखमा काँग्रेस, माओवादी र एकीकृत समाजवादीका साझा उम्मेदवार काँग्रेसका पदमबहादुर कलेल विजयी भएका हुन्। उनले १३ मत प्राप्त गरेका थिए ।
त्यस्तै, उपप्रमुखमा गठबन्धनको तर्फबाट माओवादीका खगराज भुसाल १३ मत पाएर विजयी भए।
स्वतन्त्रबाट निर्वाचित धनगढी उपमहानगरपालिकाका मेयर गोपाल हमालले साथ दिएपछि गठबन्धन जित हात सफल भएको हो ।
