काठमाडौं, १३ पुष । प्रधानमन्त्री पुष्पकमल दाहाल आजै प्रधानमन्त्रीको सरकारी निवास बालुवाटार सर्ने भएका छन् ।
प्रधानमन्त्री दाहालको सचिवालयले भने बालुवाटार प्रवेश गर्नुअघि ज्योतिषीसँग साईत जुराएको कुरा बाहिर आएको छ ।
दाहालको सचिवालयले ज्योतिषी टीकाराम घिमिरेसँग साइत मागेको हो । उनले आज साँझ ५ बजेको साइत जुराईदिएका छन् ।
निवर्तमान प्रधानमन्त्री शेरबहादुर देउवाले पनि उनै ज्योतिष घिमिरेसँग हेराएर बालुवाटार प्रवेश गरेका थिए ।
अहिले दाहालले देउवाको पथ पछ्याएको चर्चा छ ।
