काठमाडौं, २३ साउन । नेपाल समाजवादी पार्टीका अध्यक्ष तथा पूर्व प्रधानमन्त्री डा. बाबुराम भट्टराईले गौर हत्याकाण्डका पीडितलाई सरकारले न्याय दिने हिम्मत र हैसियत राख्ला भनेर प्रश्न उठाएका छन् । उनले गौर हत्याकाण्डको आन्तरिक र बाह्य जरो नखोतलीकन र सत्ताको अंकगणितभन्दा माथि नउठिकन यसवारे पीडित आन्दोलवकारीहरूलाई पटकपटक फोस्रा आश्वासन दिनुको कुनै अर्थ नहुने टिप्पणी गरेका छन् ।
नेपाल सरकार, गृहमन्त्रालय र गौर हत्याकाण्ड पीडित संघर्ष समितिबीच पाँच बुँदे सहमति भएकै दिन अध्यक्ष भट्टराईले यस्तो टिप्पणी गरेका हुन् । उनले गौर हत्याकाण्ड मधेशका उत्पीडित वर्ग र समूदायका निहत्था नागरिकहरुलाई मुक्ति आन्दोलनबाट विमुख पार्न देशभित्र र बाहिरका वर्चश्वशाली शक्तिहरुले सुनियोजित ढंगले मच्चाएको नृसंस आतंक र हत्याकाण्डको संज्ञा दिएका छन् ।
Related News:
गौर हत्याकाण्ड पीडित संघर्ष समिति र गृहमन्त्रालयबीच ५ बुँदे सहमति (सहमति पत्रसहित)
उनले फेशबुकमा लेखेका छन्-
गौर हत्याकाण्डको आन्तरिक र बाह्य जरो नखोतलीकन र सत्ताको अंकगणितभन्दा माथि नउठिकन यसवारे पीडित आन्दोलवकारीहरूलाई पटकपटक फोस्रा आश्वासन दिनुको कुनै अर्थ हुन्न।
प्रतिक्रिया