प्रधानमन्त्रीका मुख्य सल्लाहकार रिमाल भन्छन्, ‘दर्ता नभएका सामाजिक सञ्जाल र अनलाइन प्लेटफर्महरु निष्क्रिय हुँदैछन्’

काठमाडौं, १९ भदौ । प्रधानमन्त्री केपी शर्मा ओलीका मुख्य सल्लाहकार विष्णु रिमालले दर्ता नभएका सबै सामाजिक सञ्जाल तथा अनलाइन प्लेटफर्महरु निष्क्रिय हुने बताएका छन् । सर्वोच्च अदालतले नेपालभित्र सम्पर्क विन्दु (प्वाइन्ट अफ कन्ट्याक्ट), स्वनियमन तथा आवासीय गुनासो सुन्ने अधिकारी तोकी कम्पनी सूचिकृत नगरेसम्म सामाजिक सञ्जालमा रोक लगाउने आदेश गरेको उनले स्मरण गराएका छन् ।

‘केही अवाञ्छित तत्वका असामाजिक भूमिका र केही गैरजिम्मेवार व्यक्तिका कामको कारण सम्मानित सर्वोच्च अदालतले नेपालभित्र सम्पर्क विन्दु (प्वाइन्ट अफ कन्ट्याक्ट), स्वनियमन तथा आवासीय गुनासो सुन्ने अधिकारी तोकी कम्पनी सूचिकृत नगरेसम्म रोक लगाउने आदेश दिएको छ । सम्भवत दर्ता नभएका सबै सामाजिक सञ्जाल तथा अनलाइन प्लेटफर्महरु निष्क्रिय हुँदैछन्,’– उनले भनेका छन् ।

सामाजिक सञ्जाल र प्लेटफर्म चाँडोभन्दा चाँडो सूचिकृत होउन् र शीघ्र यसको प्रयोग गर्ने वातावरण बनोस् भन्ने उनले अपेक्षा गरेका छन् ।