काठमाडौं, वैशाख २५ । नेपाली कांग्रेसको भ्रातृ संस्था नेपाल महिला संघको अध्यक्षमा मीना खरेल मनोनित भएकी छन्।
भर्खरै सम्पन्न प्रतिनिधिसभाको निर्वाचनमा चितवन २ बाट राष्ट्रिय स्वतन्त्र पार्टीका सभापति रवि लामिछानेसँग चुनाव लडेकी खरेल महिला संघको केन्द्रीय अध्यक्ष मनोनित भएकी हुन् ।
केन्द्रीय कार्यसम्पादन समितिले दिएको म्याण्डेटअनुसार पार्टी सभापति गगन थापाले नेपाल विद्यार्थी संघको अध्यक्षमा धनकुटाकी करुणा कटुवाल, नेपाल तरुण दलको अध्यक्षमा काठमाडौंका मनिष कोइराला र नेपाल महिला संघको अध्यक्षमा चितवनकी मीना खरेललाई नियुक्त गरेका छन्। उनीहरूलाई महाधिवेशन गराउनेगरी जिम्मेवारीसहित नयाँ जिम्मेवारी दिइएको जनाइएको छ ।
प्रतिक्रिया