जाजरकोटमा पहिरो : दुई सयभन्दा बढीलाई सुरक्षित स्थानमा सारियाे

जाजरकोट । पहिरोपछि जाजरकोट भेरी नगरपालिका–२ रिसाङ क्षेत्रका दुई सयभन्दा बढी सर्वसाधारणलाई सुरक्षित स्थानमा सारिएको छ ।

रिसाङ क्षेत्रका करिब ६० देखि ७० घरपरिवारका १५० देखि २०० जनालाई त्रिभुवन आधारभूत विद्यालयको भवनमा राखिएको हो ।

यसैगरी झ्यालीखेत डाँडामा १६ जना, चिसापानीमा २० जना, राउटेरे डाँडामा १५ जना र रिसाङ फारुलामा तीन जना गरी थप ५४ जनालाई सुरक्षित स्थानमा सारिएको छ। पहिरोका कारण विभिन्न स्थानमा सडक तथा पैदल मार्ग अवरुद्ध बनेका छन्।

विपद्को समयमा नेपाल प्रहरी नागरिकको सुरक्षा, उद्धार तथा सहयोगका लागि निरन्तर परिचालित रहेको छ।