काठमाडौं । चीनको तिब्बतमा पुनः पानीको ड्याम फुट्दा फेरि बाढी आएको नेपाल प्रहरीले जनाएको छ ।
‘तिब्बततर्फ पानीको ड्याम पुनः फुटेको जानकारी प्राप्त भएको हुँदा उद्धार तथा राहत कार्यमा खटिनुभएका सम्पूर्ण सुरक्षाकर्मी, उद्धारकर्मी तथा सर्वसाधरणहरूलाई तत्काल सतर्क रहन र सुरक्षित स्थानतर्फ जानरजानकारी गराउन अनुरोध छ,’ नेपाल प्रहरीले सूचनामा भनिएको छ ।
यही भदौ १० गते बिहान तिब्बततर्फबाट रसुवाको भोटेकोसी हुँदै नुवाकोटको त्रिशूली नदीमा भीषण बाढी आएको थियो । बाढीले रसुवा, नुवाकोटलगायत जिल्लामा ठूलो जनधनको क्षति गरेको छ ।
अहिले ठूलो संख्यामा उद्धारकर्मी बाढी प्रभावित क्षेत्रमा खटिएका छन् ।
प्रतिक्रिया