एनआईएमबी र एनआईबीएलका पोर्टफोलियो कम्पनीबाट बाढीपीडितलाई ५६ लाख सहयोग

काठमाडौं । भोटेकोशी नदीमा आएको विनाशकारी बाढीबाट प्रभावित नागरिकको खोज, उद्धार, राहत तथा
पुनर्स्थापनाका लागि एनआईएमबी एस क्यापिटल लिमिटेड र एनआईबीएल इक्विटी पार्टनर्सबाट २१ लाख
सहयोग गरेकाे छ। उक्त सहयोग प्रधानमन्त्री दैवी प्रकोप उद्धार कोषमा सहयाेग गरेकाे हाे ।

यसैगरी, एनआईबीएल इक्विटी पार्टनर्सका पोर्टफोलियो कम्पनीहरूबाट समेत प्रभावित समुदायको राहत तथा
पुनर्स्थापनाका लागि सामूहिक रूपमा करिब ३५ लाख नगद सहयोग गर्ने प्रतिबद्धता जनाएको छ। यससँगै
एनआईएमबी एस क्यापिटल, एनआईबीएल इक्विटी पार्टनर्स तथा यसका पोर्टफोलियो कम्पनीहरूबाट बाढी
प्रभावितका लागि ५६ लाखभन्दा बढी सहयोग जुटाएकाे कम्पनीले जानकारी दिएकाे छ।

बाढीबाट प्रभावित रसुवा, नुवाकोट, धादिङ, गोरखा, तनहुँ, चितवनलगायतका जिल्लाको पुनर्निर्माण तथा
दीर्घकालीन विकासमा समेत आवश्यक सहयोग पुर्‍याउने प्रतिबद्धता कम्पनीले व्यक्त गरेकाे छ। प्रभावित क्षेत्रको
आर्थिक गतिविधिलाई थप चलायमान बनाउन भविष्यमा लगानीका अवसर विस्तार गर्नुका साथै शाखा सञ्जाल
विस्तारमार्फत पुँजी बजारको पहुँच र वित्तीय सेवाको पहुँचलाई थप सहज बनाउने पहल गरिने कम्पनी जनाएको छ।

बाढीका कारण ज्यान गुमाएका नागरिकहरूप्रति एनआईएमबी एस क्यापिटल र एनआईबीएल इक्विटी पार्टनर्स
परिवारको तर्फबाट हार्दिक श्रद्धाञ्जली अर्पण गर्दै शोकसन्तप्त परिवारजनप्रति गहिरो समवेदनासमेत व्यक्त गरेको
छ।