काठमाडौँ। त्रिभुवन अन्तर्राष्ट्रिय विमानस्थलको अन्तर्राष्ट्रिय टर्मिनल भवनको प्रस्थान क्षेत्रबाहिर औषधि पसल सञ्चालनका लागि नेपाल नागरिक उड्डयन प्राधिकरणले बोलपत्र आह्वान गरेको छ।
त्रिभुवन अन्तर्राष्ट्रिय विमानस्थल नागरिक उड्डयन कार्यालय, गौचरले बुधबार सूचना प्रकाशित गर्दै २०.३७ वर्गमिटर क्षेत्रफलमा औषधि पसल सञ्चालन गर्न इच्छुक व्यक्ति, फर्म वा कम्पनीबाट बोलपत्र माग गरेको हो।
सूचनाअनुसार औषधि पसल सञ्चालनका लागि ५ वर्षको ठेक्का बन्दोबस्त गरिनेछ। यसका लागि सम्बन्धित निकायबाट इजाजत प्राप्त इच्छुक व्यक्ति, फर्म वा कम्पनीले प्रचलित कानुनबमोजिम बोलपत्र दाखिला गर्न सक्नेछन्।
प्रतिक्रिया