गैर हाजिर १० प्रहरीलाई ७ दिनभित्र हाजिर हुन निर्देशन

काठमाडौं, फागुन ११ । प्रहरी प्रधान कार्यालयले १० जना प्रहरी सम्पर्क विहीन भएको भन्दै हाजिर हुन आउनेसम्बन्धी सूचना निकालेको छ । लामो समयदेखि आफूखुसी कार्यालयमा गैरहाजिर भएको र खोजतलास गर्दा समेत सम्पर्कमा नआएकाले अन्तिम पटक ७ दिने सूचना निकालिएको उल्लेख छ ।

उक्त समयभित्र गैरहाजिर रहनुको कारण खोली जवाफ पेस गर्न भन्दै कार्यालयले अन्यथा सेवाबाट हटाउने कारबाही भइजाने सूचनामा उल्लेख गरेको छ ।