विद्युत् प्राधिकरणले डेडिकेटेड र ट्रंकलाइनको बक्यौता उठाउने

काठमाडौं, १० असोज । नेपाल विद्युत प्राधिकरण सञ्चालक समितिले उद्योगी व्यसायीहरुबाट डेडिकेटेड र ट्रंकलाइनको बक्यौता उठाउने निर्णय गरेको छ । आज (शुक्रबार) बसेको सञ्चालक समितिको बैठकले बक्यौता उठाउने निर्णय गरेको हो । ऊर्जा, जलस्रोत तथा सिँचाइ मन्त्री कुलमान घिसिङले यसअघि नै डेडिकेटेड र ट्रंकलाइनको बक्यौता उठाउने निर्णय गरिसकेका थिए ।

प्राधिकरणका पूर्वकार्यकारी निर्देशकसमेत रहेका मन्त्री घिसिङको पहिला निर्णय नै डेडिकेटेड र ट्रंकलाइनको बक्यौता उठाउने रहेको थियो । विभिन्न उद्योगी व्यवसायीसँग प्राधिकरणले २२ अर्ब बक्यौता उठाउन बाँकी रहेको छ । प्राधिकरण सञ्चालक समितिमा ऊर्जा मन्त्री अध्यक्ष रहने व्यवस्था रहेको छ ।