नारायणगढ-मुग्लिन सडक सुचारु

काठमाडौं, असोज २० । आजबाट नारायणगढ–मुग्लिन सडक सञ्चालनमा आएको छ । गत शुक्रबारदेखि सुरु भएको अविरल वर्षाका कारण तीन दिन अवरुद्ध भएको सडक आज बिहान ६ बजेदेखि सञ्चालनमा आएको हो । यसअघि प्रहरी प्रशासनले पहिरोको उच्च जोखिम हुनसक्ने जनाउँदै उक्त ुसडक खण्डमा सार्वजनिक तथा निजी यातायातका साधन आवतजावतमा बन्द गरिएका थिए ।

जिल्ला प्रहरी कार्यालय चितवनले यातायात सञ्चालनमा आएसँगै रोकिएका सवारी साधन गन्तव्य तर्फ लागेका छन् । जिल्लाका १४ स्थानमा विश्राम कक्ष (होल्डिङ् सेन्टर)मा रोकिएका लामो तथा छोटो दुरीका सवारी साधन गन्तव्य तर्फ जान थालेका हुन् ।

चितवन प्रहरीले चितवन हुदै विभिन्न जिल्लामा जाने सवारी साधनलाई राति ९ बजेसम्म चितवन कटिसक्न आग्रह गरेको छ । ९ बजेपछि आउने सवारी साधनलाई रोकेर राखिएको थियो ।