चुनावको मुखमा नगद कारोबारमा कडाई, अब ५ लाखभन्दा माथिको कारोबार अनिवार्य बैंकमार्फत

काठमाडौं, मंसिर १६ । अब ५ लाखभन्दा माथिको कारोबार अनिवार्य बैंक मार्फत गर्नु पर्ने भएको छ । सोमबार बसेको मन्त्रिपरिषद्को बैठकले एकपटकमा रु पाँच लाख वा सोभन्दा बढी मूल्यको सेवा वा वस्तुको खरिद बिक्री वा अन्य कारोबार गर्दा वित्तीय संस्था वा बैंकिङ उपकरणमार्फत गर्नुपर्ने निर्णय गरेको हो।

यो व्यवस्था आगामी माघ १ गतेदेखि लागु हुने छ । चुनाव नजिकिदै गर्दै सरकारले नगदको कारोबारमा कडाई गर्दै अब ५ लाखभन्दा माथिको कारोबार अनिवार्य बैंक मार्फत गर्नु पर्ने व्यवस्था गर्न लागेको हो । यस संगै ५ लाखभन्दा माथिको कारोबार अनिवार्य बैंक (चेक, मोबाइल बैंकिंग, इन्टरनेट बैंकिंग जस्ता माध्यम) मार्फत गर्नु पर्ने छ ।