गगन थापाले किन रोजे देउवा र कोइरालाका मान्छे ?

काठमाडौं । नेपाली कांग्रेसका सभापति गगन थापाले शेरबहादुर देउवा र डा. शेखर कोइराला पक्षका १९ जनालाई केन्द्रीय समितिमा मनोनीत गरेका छन् ।

सभापति थापाले पूर्व पदाधिकारीमा रहेका सहमहामन्त्री जीवन परियार र महेन्द्र यादवलाई केन्द्रीय समितिमा मनोनीत गरेका छन् । परियार नेता शेखर कोइराला निकट मानिन्छन् भने पूर्व सहमहामन्त्री यादव पूर्वसभापति देउवा पक्षधर हुन् ।

विशेष महाधिवेशनपछि पहिलोपटक केन्द्रीय समिति सदस्य थपेका सभापति थापाले पूर्व पदाधिकारी र केन्द्रीय सदस्य थपेर समिति विस्तार गरेका हुन् ।

सभापति थापाले मनोनीत गरेका सदस्यहरु यसप्रकार छन् –

१. महेन्द्र यादव — धनुषा

२. जीवन परियार — कास्की

३. उमेश श्रेष्ठ — चितवन

४. रमेश रिजाल — पर्सा

५. सुजाता कोइराला — मोरङ

६. दिलेन्द्रप्रसाद बडू — दार्चुला

७. चन्द्रकान्त भण्डारी — गुल्मी

८. अजयकुमार चौरसिया — पर्सा

९. लक्ष्मी परियार — उदयपुर

१०. आङ्गेलु शेर्पा — सोलुखुम्बु

११. दिनेशकुमार यादव — सप्तरी

१२. राजीव कोइराला — सुनसरी

१३. राजीव ढुंगाना — सुनसरी

१४. प्रा. डा. गोविन्दराज पोखरेल — प्यूठान

१५. सुशीला मिश्र भट्ट — कैलाली

१६. नागिना यादव — महोत्तरी

१७. दिनेश कोइराला — चितवन

१८. डा. जीवन राना — कैलाली

१९. सीता थपलिया (उर्मिला) — धादिङ

पार्टीलाई एकढिक्का बनाएर अगाडि बढाउन सभापति थापाले देउवा र कोइरालाका मान्छेलाई समेटेको जनाइएको छ । तर संस्थापन इतर पक्ष भने अझै सशंकित छन् ।