इरानले भन्याे – अमेरिकाले सम्भावित सम्झौताको सम्मान गर्ने कुनै ग्यारेन्टी छैन

तेहरान । अमेरिका र इरानबिच सम्झौताका लागि अथक प्रयास भइरहेको छ । कयौँ विषयमा दुई पक्षबिच सहमति भएको भए पनि कयौँ अप्ठ्यारा विषयमा सहमति हुन बाँकी छ ।

यसैबिच इरानका विदेश मन्त्रालयका प्रवक्ता इस्माइल बकायीले अमेरिकाले सम्भावित सम्झौताप्रति आफ्ना प्रतिबद्धता पूरा गर्ने कुनै ग्यारेन्टी नरहेको बताएका छन् ।

अल जजिराले छापेको समाचार अनुसार बकाइले तेहरानले ‘धम्कीको कुनै वास्ता नगर्ने’ पनि स्पष्ट पारेका छन् । पछिल्ला केही सातामा देखिएका परिवर्तनहरू पाकिस्तानलगायत अन्य देशहरूको मध्यस्थताका कारण सम्भव भएको उनले बताएका छन् ।

उनका अनुसार वार्तामा लेबनानमा जारी द्वन्द्व अन्त्य गर्ने प्रावधान पनि समावेश गरिएको थियो । आक्रमणकारीहरूले इरानी जनताको हितको कुरा गर्नु हास्यास्पद भएको टिप्पणी गर्दै अमेरिकी–इजरायली आक्रमणका क्रममा इस्पात उद्योग र औषधि उत्पादन केन्द्रजस्ता महत्त्वपूर्ण पूर्वाधारलाई निशाना बनाइएको आरोप बकाइले लगाए । एजेन्सी