सर्वदलीय बैठकमा जुटेन सहमति, स‌सद् बैठकमा विपक्षी दलहरूकाे अवरोध कायमै

काठमाडौं । प्रतिनिधिसभा बैठकमा विपक्षी दलहरूले अवरोध कायमै राखेका छन् । जारी स‌सद् बैठकमा विपक्षी दलका सबै सांसदहरू उठेर विरोध गरिरहेका छन् ।

उनीहरूले प्रधानमन्त्री बालेन शाहको अभिव्यक्तिप्रति आपत्ति जनाउँदै संसद् बैठकमा अवरोध गर्दै आएका छन् ।

आज बसेको सर्वदलीय बैठकमा सत्ता र विपक्षी दलहरूबीच सहमति हुन सकेन। बैठकमा सत्तारुढ दलका नेताहरूले भारत भ्रमण र सीमा विवाद लगायतका विषयमा सभापति रवि लामिछाने र परराष्ट्रमन्त्री शिशिर खनालले बोल्ने प्रस्ताव राखेका थिए ।

तर,विपक्षी दलहरूले उक्त प्रस्ताव अस्वीकार गरेका थिए । विपक्षी दलहरूले प्रधानमन्त्री बालेन शाहले नै उक्त विषयमा संसद्मा जवाफ दिनुपर्ने माग राखेका छन् ।