काठमाडौँ । नेपाली कांग्रेसका सभापति गगन थापाले सरकारले शिक्षा, स्वास्थ्य र विद्युत्मा ‘लग्जरी कर’ लगाउने विषयमा आपत्ति जनाएका छन् ।
पार्टीले आइतबार गरेको सुवर्ण शमशेर इकोनोमिक शृङ्खला कार्यक्रममा सभापति थापाले आय करमा ५ देखि १० लाख पुर्याएर अर्कै बाटोबाट कर लादेको बताए ।
उनले शिक्षा र स्वास्थ्यमा निजी संस्थामा पुग्नु अहिलेको अवस्थामा लग्जरी नहुने बताए । ‘शिक्षामा निजी स्कुलमा बच्चाबच्ची पढाउने र उपचार गर्न निजी अस्पतालमा जानु अहिलेको अवस्थामा लग्जरी होइन । सरकारी विद्यालयमा पढाइ कस्तो छ ? र सरकारी अस्पतालमा बिरामी भएर जाँदा सबैलाई तत्काल सेवा उपलब्ध हुन्छ कि हुँदैन भन्ने बुझ्नुपर्छ । त्यो नबुझी निजी विद्यालयमा पढायो र निजी अस्पतालमा उपचार गर्छ भनेर शुल्क लिनु उपयुक्त हुँदैन,’ सभापति थापाले भने ।
प्रतिक्रिया