काठमाडाैँ। कतारले अमेरिकी राष्ट्रपति डोनाल्ड ट्रम्पका विशेष दूत स्टिभ विटकोफ र जारेड कुशनर दोहामा रहेको पुष्टि गर्दै उनीहरुले इरानी अधिकारीसँग प्रत्यक्ष वार्ता नगर्ने जनाएका छन्।
कतारको विदेश मन्त्रालयका प्रवक्ता माजेद अल–अन्सारीले मङ्गलबार आयोजित नियमित पत्रकार सम्मेलनमा अमेरिकी प्रतिनिधिमण्डलले अमेरिका र इरानबिच हालै सम्पन्न भएको समझदारीपत्र (एमओयू) कार्यान्वयनको प्रगतिबारे मध्यस्थकर्तासँग छलफल गर्ने जानकारी दिए।
उनका अनुसार इरानको करिब ६ अर्ब अमेरिकी डलर बराबरको रोक्का सम्पत्ति अझै तेहरानलाई हस्तान्तरण गरिएको छैन।
अमेरिकी पक्षले उक्त छलफललाई समझदारीपत्र कार्यान्वयन प्रक्रियाको निरन्तरताका रूपमा व्याख्या गरेको छ भने इरानले अमेरिकी अधिकारीसँग कुनै प्रत्यक्ष वार्ताको कार्यक्रम तय नभएको जनाएको छ। रासस
प्रतिक्रिया