ह्वात्तै बढ्यो सुनचाँदीको मूल्य

काठमाडौं, असार १८ । नेपाली बजारमा बिहीबार सुनचाँदीको मूल्य बढेको छ। नेपाल सुनचाँदी व्यवसायी महासंघका अनुसार आज सुन प्रतितोला ६ हजार २ सय रुपैयाँले बढेर २ लाख ८३ हजार ५ सय रुपैयाँमा कारोबार भइरहेको छ। बुधबार सुन प्रतितोला २ लाख ७७ हजार ३ सय रुपैयाँमा कारोबार भएको थियो।

त्यस्तै, आज चाँदीको मूल्य पनि बढेको छ । बुधबार प्रतितोला ४ हजार २७० रुपैयाँमा खरिदबिक्री भएको चाँदी बिहीबार बढेर ४ हजार ४५० रुपैयाँमा खरिदबिक्री भइरहेको छ ।