शेरबहादुर देउवा साउन २६ गते नेपाल आउने

काठमाडौं । नेपाली कांग्रेसका पूर्वसभापति शेरबहादुर देउवा साउन २६ गते स्वदेश फर्किने भएका छन् ।

उपचारका क्रममा हङकङमा रहेका देउवा २६ गते स्वदेश फर्किने तय भएको उनीनिकट नेता डा. प्रकाशशरण महतले जानकारी दिए ।

देउवा पक्षका नेताहरूले साउन २९ गते राजधानी काठमाडौंमा ‘राष्ट्रिय भेला’ आयोजना गरेका छन् । उक्त भेलालाई सम्बोधन गर्न र रणनीतिक मार्गदर्शन दिनका लागि देउवा साउन २६ मा काठमाडौं आइपुग्ने बुझिएको छ।

देउवा गत ७ चैत २०८२ मा थप उपचारका लागि सिंगापुरबाट हङकङ पुगेका थिए। त्यसअघि उनी १३ फागुन २०८२ को राति सिंगापुर एयरलाइन्सको उडानमार्फत सिंगापुर गएका थिए।