देउवालाई भेट्ने तयारीमा गगन, मागे समय

काठमाडौँ । नेपाली कांग्रेसका सभापति गगन थापाले निवर्तमान सभापति शेरबहादुर देउवालाई भेट्ने तयारी गरेका छन् । थापाले देउवालाई भेट्न समय मागेको देउवाका स्वकीय सचिव भानु देउवाले जानकारी दिए ।

भानु देउवाका अनुसार थापाले टेलिफोन गरेर भेट्ने इच्छा व्यक्त गर्दै समय मागेका हुन् ।

उनले समय मिलाएर भेट्नका लागि थापालाई बोलाउने बताए।

जेनजी आन्दोलनका बेला आक्रमणमा परेका देउवा उपचारको लागि सिंगापुर गएका थिए । उनी गत साउन २८ गते साढे पाँच महिनापछि स्वदेश फर्किएका छन् ।