पूर्वबडामहारानी रत्न राज्यलक्ष्मी शाह अस्पतालमा भर्ना

काठमाडौं । पूर्वबडामहारानी रत्न राज्यलक्ष्मी शाह अस्पताल भर्ना भएकी छन् । स्वास्थ्यमा समस्या आएपछि ९८ वर्षीया शाहलाई आइतबार थापाथलीस्थित नर्भिक इन्टरनेसनल अस्पतालमा भर्ना गरिएको हो ।

अस्पतालका सूचना अधिकारी विमल बोगटीका अनुसार, उनलाई फ्लुका कारण अस्पताल ल्याइएको थियो । अहिले उनको स्वास्थ्य अवस्था सामान्य रहेको उनले बताए ।

वरिष्ठ चिकित्सकको निगरानीमा उनको उपचार भइरहेको अस्पतालले जनाएको छ ।