काठमाडौं । नेपाली कांग्रेसको महाधिवेशनअन्तर्गत बन्दसत्र सुरु भएको छ। बन्दसत्रमा पार्टीका सभापति, उपसभापति, महामन्त्री र कोषाध्यक्षका प्रतिवेदनमाथि छलफल गरी पारित गर्ने कार्यसूची छ।
प्रतिवेदन पारित भएपछि महाधिवेशनको मुख्य प्रक्रिया नयाँ नेतृत्व चयनतर्फ अघि बढ्नेछ। निर्वाचन कार्यतालिकाअनुसार असोज २२ गते बिहान ७ बजेदेखि मतदान सुरु गर्ने तयारी गरिएको छ।
यस महाधिवेशनबाट सभापति एक, वरिष्ठ उपसभापति एकसहित चार उपसभापति, तीन महामन्त्री, १५ सहमहामन्त्री र एक कोषाध्यक्ष गरी २४ जना पदाधिकारी चयन हुनेछन्।
यसमध्ये चार सहमहामन्त्री र कोषाध्यक्ष गरी पाँच पद सभापतिले मनोनयन गर्ने व्यवस्था छ। त्यसैले प्रत्यक्ष निर्वाचनबाट १९ जना पदाधिकारी चयन हुनेछन्।
बन्दसत्रबाट प्रतिवेदन पारित गरेपछि कांग्रेस महाधिवेशन नयाँ नेतृत्व चयनको निर्णायक चरणमा प्रवेश गर्नेछ।
प्रतिक्रिया