सार्वजनिक संस्थाको जागिरमा रहेर दलको जिम्मेवारी लिएका कर्मचारीलाई कारबाही गर्न सिफारिस

काठमाडौँ । सत्तारुढ राष्ट्रिय स्वतन्त्र पार्टी (रास्वपा)का मुख्य सचेतक कविन्द्र बुर्लाकोटीले सरकारी जागीरमा रहेर राजनीतिक दलको जिम्मेवारीमा रहेका कर्मचारीलाई कारबाहीको लागि सिफारिस गरिएको जानकारी दिएका छन्।

सामाजिक सञ्जालामर्फत आज उनले कारबाहीको लागि सिफारिस गरिएका जानकारी दिएका हुन् । उनले कर्मचारीको विवरण भने सार्वजनिक गरेका छैन ।

‘सार्वजनिक संस्थाको जागिरमा रहेर राजनीतिक दलमा जिम्मेवारी लिएको विषयमा प्राप्त उजुरीमा कानुनी कारबाहीको लागि सम्बन्धित मन्त्रालयमा सिफारिस गरिएको छ। राष्ट्र पहिलो। धन्यवाद! ’ उनले फेसबुकमा लेखेका छन्।

राजनीतिक दलको जिम्मेवारीमा रहेका तीन जना सरकारी कर्मचारीलाई कारबाही गर्न प्रधानमन्त्री तथा मन्त्रिपरिषद्को कार्यालय र सम्बन्धित मन्त्रालयमा रास्वपाले सिफारिस गरेको स्राेतले जनाएको छ ।