मोरङ, १० चैत्र । समुदाय प्रहरी साझेदारी अवधारणा अन्तर्गत मोरङले निशुल्क ह्याण्ड सेनिटाईजर तथा मास्क वितरण गरेको छ । समुदाय प्रहरी साझेदारी अवधारणा अन्तर्गत जिल्ला प्रहरी कार्यालय मोरङले विराटनगर महानगरपालिका जोगवनी सिमाक्षेत्रमा आइतबार निस्शुल्क ह्याण्ड सेनिटाईजर तथा मास्क वितरण गरेको हो ।
नोवेल कोरोना भाईरस (कोभिड(१९) को रोकथामका लागि जिल्ला प्रहरी कार्यालय मोरङले विराटनगरका युवा अभियान्तासँग सहकार्य गरी सीमा क्षेत्रमा आवतजावत गर्ने करिब ३ सय भन्दा बढि सर्वसाधारणलाई निस्शुल्क ह्याण्ड सेनिटाईजर तथा मास्क वितरण गरेको हो ।
वितरण कार्यक्रमबारे जानकारी दिँदै जिल्ला प्रहरी कार्यालय मोरङका प्रमुख प्रहरी उपरीक्षक विश्व अधिकारीले नोवेल कोरोना भाईरसले विश्वब्यापी महामारीको रूपमा आक्रान्त पारेको अवस्थामा प्रहरी र नागरिकलाई संक्रमणबाट बचाउन समुदाय प्रहरी साझेदारी अवधारणा अन्तर्गत अभियान सुरु गरी उक्त सामाग्री वितरण गरिएको बताए । कोरोना भाईरस बिरूद्ध लड्न एकजुट हुनुपर्नेमा उनले जोड दिए ।
कार्यक्रममा युवा अभियान्ता पेरिस सुवेदी, स्थानीय जनप्रतिनिधि, प्रहरी कर्मचारी, सुरक्षा निकायका कर्मचारी, संचारकर्मी लगायतको उपस्थिति रहेको थियो ।
प्रतिक्रिया