सरकारले सार्वजनिक गर्यो कोरोनाबाट अति प्रभावित जिल्लाहरु, संवेदनशील बन्न आग्रह

काठमाडौं, १७ बैशाख । स्वास्थ्य तथा जनसंख्या मन्त्रालयले नेपालमा पछिल्लोसमय कोभिड–१९ संक्रमण निकै उच्च गतिमा फैलिरहेको उल्लेख गर्दै सबैले जनस्वास्थ्यका मापदण्ड पूर्ण रुपमा पालना गर्नुपर्ने बताएको छ । आज (शुक्रबार) मन्त्रालयका सहप्रवक्ता डा. समिरमणि अधिकारीले यस्तो अवस्थामा सबैले जनस्वास्थ्यका मापदण्डहरुको संवेदनशील भई कडा रुपमा पालना गर्नु गराउन्पर्ने बताएका छन् ।

उनले २२ जिल्लामा निकै उच्च गतिमा कोरोना फैलिएको उल्लेख गरेका छन् । र, संक्रमण फैलन दर डरलाग्दो रुपमा बढिरहेको पनि उनले जनाएका छन् । स्वास्थ्य प्रणालीले थेग्नै नसक्नेगरि संक्रमण बढेको पनि मन्त्रालयले उल्लेख गरेको छ । यस्तो अवस्थामा सबै संवेदनशील बन्नुपर्ने उसको अपिल छ ।