नेपाल भारत मामिलाका जानकार एवम् ईपिजीका भारत तर्फका संयोजक भगतसिंह कोशियारीले नेपाल भारत द्धिपक्षीय सम्बन्ध अति नै सुमधुर रहेको विश्वास दिलाएका छन् । त्यस्तै, दुवै देशका प्रधानमन्त्रीबीच अहिले गहिरो सदभाव रहेको पनि उनको भनाई छ । त्यस्तै ईपिजी बैठकले दुई देशबीचका समस्याहरु हल गर्नको लागि सुझावस्वरुप संयुक्त प्रतिवेदनपनि सहमतिमै तयार पारेको उनले जानकारी दिए । यी र यीनै विषयमा केन्द्रित रहेर पत्रकार ऋषि धमलाले संयोजक कोशियारीसँग विशेष कुराकानी गरेका छन् । कुराकानीको सम्पादित अंश यहाँ प्रस्तुत छ :
ईपिजीको बैठक सकियो, साझा प्रतिवेदन तयार पार्नुभयो ?
प्रतिवेदन आज हामीले दुवैले मिलेर एक पक्ष बनायौं । फाईनलाईजेशन गर्यौ । यो रिपोर्ट अब नेपाल र भारत सरकारको सम्पत्ति हो ।
नेपाल-भारत द्धिपक्षीय सम्बन्धमा रहेका समस्याहरु अब समाधान भएको हो ?
जे रिपोर्ट हामीले बनाएका छौं । त्यो सर्वसम्मत हो । रिपोर्टमा के छ भन्ने कुरा म तपाइृलाई अहिले बताउन सक्दिन् । अब यो प्रतिवेदन दुवै देशका प्रधानमन्त्रीलाई बुझाउँछौं । उहाँहरुले यसबारेमा परामर्श गर्नुहुन्छ ।
१९५० सन्धिको बारेमा यो संयुक्त प्रतिवेदनमा के के कुरा उल्लेख गर्नुभएको छ ?
यो विषयमा धेरै चर्चा भैसकेको छ। म यसबारेमा अहिले बताउन चाहन्न । किनकी हामीले यो प्रतिवेदन दुवै देशका सरकारलाई बुझाउँछौं । यसबारेमा पनि निर्णय भैसकेको छ । निर्णय हामीले सर्वसम्मतीमा गरेका छौं ।
दुई देशका सिमाबीच विवाद छन् ?
विवाद छैन् । केहीपनि समस्या छैन् ।
नेपाल- भारत सम्बन्ध अहिले कस्तो छ ?
धेरै सुमधुर छ । दुवै देशका प्रधानमन्त्री आपसमा मिलिरहेका छन् । उहाँहरुले श्रद्धय प्रकट गरेका छन् । दुवै देशका प्रधानमन्त्रीहरु एक अर्काप्रति यस्तो गहिरो सद्भाव देखाउँछन् भने निश्चित रुपमा यसको सुपरिणाम राम्रो हुन्छ । नेपाल र भारत दुवै देशको लागि यो धेरै राम्रो हुन्छ ।
नेपालमा अहिलेसम्म विकासको लहर जसरी आउनुपर्दथ्यो त्यो त आउन सकेको छैन नि ?
हेर्नुहोस्, यो विषयमा तपाई पहिले तपाईका राजनीतिक दलका नेताहरुलाई सोध्नुहोस् । नेपालमा भारत लगायतका अन्य देशहरुको जतिपनि परियोजनाहरु छन्, ती परियोजनाहरु किन ढिलाई भैरहेका छन् । यो विषयमा बुझ्न जरुरी छ ।
भारतीय रेल काठमाडौं आउँछ कि आउँदैन् ?
रेल पनि आउँछ । तर कसरी छिटो आउँछ भन्ने कुरा भगतसिंह वा भारत सरकारलाई नहेर्नुहोस् । यसको लागि नेपालको सरकारलाई नै हेर्नुहोस् ।
प्रतिक्रिया