काठमाडौं,जेठ १९ । उपत्यका प्रहरी इन्चार्ज एवं डिआइजी विश्वराज पोखरेलले सरकारबाट लकडाउनको मोडल परिवर्तनबारे कुनै निर्देशन नआएकाले खुकुलो भयो भनेर जनतालाई सडकमा नआउन आग्रह गरेका छन् ।
उनले अत्यावश्यक सेवा र आपत्कालिन अवस्थामा पहिले भन्दा धेरै सहुलियत दिइरहेकाले अनावश्यक रुपमा जनताको चहलपहल बढेको भन्दै अर्को निर्णय नआएसम्म घर बाहिर सडकमा ननिस्कन आग्रह गरेका हुन्।
नेपाली रेडियो नेटवर्कको नेपाली बहशमा पत्रकार ऋषि धमलासँग कुरागर्दै डिआइजी पोखरेलले कोरोना संक्रमणबाट नागरिक आफैले आफ्नो सुरक्षा गर्नुपर्ने अवस्था देखिएको र यो नै एकमात्र संक्रमणबाट बच्ने उपाए भएकाले सुरक्षा निकायले लकडाउनको मोडल परिवर्तन भए त्यही अनुसारको व्यवस्था मिलाइने उनको भनाई रहेको छ।
उनले मुल रुपमा कुनै परिवर्तन नभए पनि जनताको अवस्था हेरेर लकडाउनलाई समयअनुसार सहजिकरण गरिएको र पहिले जस्तो नरहेको भन्दै आवस्यक सेवाका सवारी मात्र चलिरहेकाले स्वरुपमा केहि परिवर्तन भएको देखिएपनि जनताले लकडाउनको सीमा उल्लघन भने नगरेको दावी गरे ।
पोखरेलले भने,‘गतवर्षको तुलनामा अपराधका घटनाहरु धेरै घटेका छन् । अपराधीहरु र चोरीगर्नेहरु घटेका छन् । यसमा पूर्णरुपले घटेको भने छैन । अहिले पनि केहि अपराधका घटनाहरु भइरहेका छन् । मानिस घरभित्र छन् तर, बलात्कारका केहि घटनाहरु आइरहेका छन् । लकडाउन सहज भएपछि अपराधका घटनामा बृद्धि आउने भएकाले त्यसका लागि पनि योजना बनाइसकेका छौँ ।’
