काठमाडौं, जेठ १६ । इण्डियन प्रिमियर लिग (आईपीएल) क्रिकेटको उपाधि चेन्नई सुपर किङ्ग्सले जितेको छ । सोमबार बेलुका भएको खेलमा गुजरात टाइटन्सलाई ५ विकेटले पराजित गर्दै चेन्नाईले डिएल पदतीको आधारमा ५ विकेटले उपाधि हात पारेको हो ।
खेलमा पहिला व्याटिङ गरेको साविक विजेता गुजरातले २० ओभरमा ४ विकेट गुमाएर २ सय १४ रन बनाएको थियो । गुजरातका लागि साइ सुदर्शनले ९६ रन जोड्दा रिघिमन शाहले ५४ रन शुबमन गिले ३९ रन जोडे ।
जवाफमा २ सय १५ रनको लक्ष्य पछ्याएको चेन्नईले सुरुवाती ३ बलमा चार रन बनाएको अवस्थामा पानीले खेल रोकिएको थियो । पानी रोकिएपछि चेन्नईले १५ ओभरमा १ सय ७१ रनको लक्ष्य पायो ।
अन्तिम दुई बलमा १० रन चाहिएको अवस्थामा रविन्द्र जडेजाले एक छक्का र एक चौका प्रहार गर्दै टोलीलाई ५ विकेटले विजयी गराएका हुन् ।
जितसँगै चेन्नईले आइपिएल क्रिकटमा सर्वाधिक ५ पटक उपाधि जित्ने मुम्बइ इण्डीयन्सको किर्तीमान बराबरी गरेको छ ।
