तारिख बुझ्न कास्की हिँडे रवि लामिछाने, भोलि रुपन्देही जाने

काठमाडौं । राष्ट्रिय स्वतन्त्र पार्टी रास्वपाका सभापति रवि लामिछाने दोस्रो तारिख बुझ्नका लागि आज कास्की जाने भएका छन् । उनी काठमाडौंबाट कास्कीका लागि उडेको उनको सचिवालयले जनाएको छ ।

उनको सचिवालयका अनुसार लामिछाने कास्की जिल्ला अदालतमा दोस्रो तारिखका लागि उपस्थित हुन कास्की पुगेका हुन् । यसअघि उनी ८४ दिनसम्म कास्की प्रहरीको हिरासतमा बसेका थिए ।

सहकारी ठगी, सङ्गठित अपराध र सम्पत्ति शुद्धीकरण मुद्दामा जिल्ला अदालत कास्कीबाट उनी ६५ लाख धरौटीमा रिहा भएका थिए । रवि भोलि रुपन्देहीमा पनि जानेछन् । त्यहाँको सुप्रिम सहकारीमा पनि रवि १ करोड धरौटी तिरेर छुटेका थिए ।