रास्वपा अध्यादेशको पक्षमा,रविले भने-‘गलत नियुक्ति सच्याउन सरकारले अध्यादेशको बाटो रोज्यो’

काठमाडौं । राष्ट्रिय स्वतन्त्र पार्टी(रास्वपा)का सभापति रवि लामिछानेले अनावश्यक, दलीयकरण र गलत नियुक्ति सच्याउन सरकारले अध्यादेश ल्याउन लागेको बताएका छन् ।

बुधबार बसेको संसदीय दलको बैठकमा उनले पार्टीका सांसदहरूलाई यस्तो बताएका हुन् ।

‘बिगतमा भएको अनावश्यक दलियकरण र गलत नियुक्तिलाई नसच्याए सम्म जनताले यो सरकारबाट गरेको अपेक्षा पुरा गर्न सकिँदैन। पहिले अध्यादेश दल फुटाउन वा विपक्षीलाई थुन्न ल्याइने अभ्यास थियो। अहिलेको अभ्यास कसैलाई दुख दिन वा कसैलाई सुविधा दिन हैन यो आवस्यक सुधारको लागि हो,’उनले भने ‘यो कदम, कानुनी दायरामा बसेर गरिँदै गरेको एक अभ्यास हो। कानुन, राजनीतिक ब्यबहार र लोकतान्त्रिक पद्धति प्रति राष्ट्रिय स्वतन्त्र पार्टी कति गम्भीर छ भन्ने कुरा को सुचक संसदिय समिति प्रमुख प्रतिपक्षले एक बचन माग नगर्दा पनि दिएको अभ्यासले पनि देखाउँछ।’

उनले बिगतमा प्रधानमन्त्रीकै पार्टीको सांसद लेखा समिति सभापति बनेको धेरै उदाहरण रहेको स्मरण गराउँदै रास्वपाले त्यो सच्याउन ईमानदार भएर अगाडि बढेको समेत बताए।