रुपन्देहीमा सुकुमबासीहरु एकजुट, सरकारविरुद्ध आन्दोलनको घोषणा

बुटवल । रूपन्देहीका सुकुमबासी तथा अव्यवस्थित बसोवासीहरुले सरकारविरुद्ध आन्दोलन गर्ने भएका छन्।

सुकुमबासी बस्ती खाली गराउन थालेको सरकारले देशभरका जिल्ला प्रशासन कार्यालयलाई पत्राचार गरी सार्वजनिक जग्गा संरक्षण गर्न निर्देशन दिएपछि रूपन्देहीका सुकुमबासीहरुले सङ्घर्ष समिति गठन गरेका छन्।

आज बुटवलमा पत्रकार सम्मेलनको आयोजना गरी खड्क बहादुर पौडेलको अध्यक्षतामा २३ सदस्यीय सङ्घर्ष समिति गठन गरिएको हो ।

सङ्घर्ष समितिले स्थानीय सरकार, प्रदेश सरकार र सङ्घीय सरकारलाई ज्ञापनपत्र बुझाउनुका साथै माग पूरा नभए सशक्त आन्दोलनमा उत्रिने चेतावनी दिएका छन्।

पौडेलले सुकुमबासीलाई व्यवस्थापन गरेर मात्रै बस्ती हटाउनुपर्ने माग राखेका थिए।