आज स्कटल्याण्डसँग एक दिवसीय क्रिकेट खेल्दै नेपाल

काठमाडौं, वैशाख २४ । नेपाल ‘ए’ले आज स्कटल्याण्डसँग एक दिवसीय क्रिकेट प्रतियोगिता खेल्दैछ । आईसीसी विश्वकप क्रिकेट लिग–२ खेल्न नेपाल आएका अमेरिका र स्कटल्याण्ड टोलीसँग मुलपानी क्रिकेट मैदानमा अहिले बिहान सवा ९ बजे नेपाल ‘ए’ले अभ्यास शृङ्खला खेल्न लागेको हो।

नेपाल ‘ए’ले स्कटल्याण्ड र अमेरिकासँग दुईरदुई अभ्यास खेल खेल्नेछ । सार्वजनिक तालिकाअनुसार शृङ्खलाको दोस्रो खेलमा भोलि नेपालले अमेरिकाविरुद्ध खेल्नेछ । त्यसपछि पर्सि फेरि स्कटल्याण्डसँग प्रतिस्पर्धा गर्ने छ । नेपाल ‘ए’को चौथो तथा अन्तिम खेल आउँदो सोमबार अमेरिकासँग हुनेछ ।

आउँदो वैशाख २८ गतेदेखि जेठ ८ गतेसम्म नेपाल, अमेरिका र स्कटल्याण्डबीच त्रिवि क्रिकेट रङ्गशालामा आईसीसी विश्वकप क्रिकेट लिग-२ प्रतियोगिता हुँदैछ ।