सरकारलाई नीतिगत भ्रष्टाचारीको संज्ञा दिदै हर्कले भने-चुपचाप घण्टी छापको करामत!

काठमाडौं, वैशाख २५ । श्रम संस्कृति पार्टीका अध्यक्ष एवं प्रतिनिधि सभाका सांसद हर्क साम्पाङले वरीयता मिचेर प्रधानन्यायाधीश सिफारिस गरेको भन्दै आपत्ति जनाएका छन्। सरकारको ठूलो असफलताका कारण यो निर्णय लिइएको बताउदै उनले प्रधानन्यायधीशको नियुक्तिमा वरीयताको ख्याल राखियो कि राखिएन भन्दै प्रश्न समेत गरेका छन् ।

साम्पाङले बालेन्द्र शाह सरकारलाई ‘नीतिगत भ्रष्टाचारी सरकारको संज्ञा दिदै सरकारले यही गर्नलाई संसद्‍ छलेर अध्यादेश ल्याको दाबीसमेत गरेका छन् । उनले लेखेका छन्, ‘वरीयताले चौथो भनिने मानिने व्यक्तिलाई प्रधान न्यायाधीश बनाउनु सरकारको अर्को ठूलो असफलताको कारण! अध्यादेशको औचित्य पुष्टि गरेको यही होला, चुपचाप घण्टी छापको करामत ! सामाजिक सञ्जालमा लेख्दै उनले भनेका छन्, ‘प्रधानन्यायधीशको नियुक्तिमा वरीयताको ख्याल राखियो कि राखिएन? यही गर्नलाई संसद्‍ छलेर अध्यादेश ल्याको हो! नीतिगत भ्रष्टाचारी सरकार!’