सरकारको कार्यशैलीप्रति पोखरेलको टिप्पणी: अधिनायकवादतर्फको प्रवृत्तिलाई बल पुर्‍याउने खतरा

काठमाडौं । नेकपा(एमाले)का महासचिव शंकर पोखरेलले सरकारको कार्यशैलीलाई लिएर प्रतिक्रिया दिएका छन् । सोमबार बिहान सामाजिक सञ्जाल फेसबुकमार्फत् पोखरेलले विधि, पद्धति, संविधान र संस्थागत निरन्तरताको सम्मान नै लोकतन्त्रको आधार भएको बताएका छन् ।

प्रधानन्यायाधीश सिफारिसप्रति संकेत गर्दै उनले राज्य सञ्चालनका नाममा प्रतिशोध र पूर्वाग्रही व्यवहार देखा पर्न थालेको तर्क राखे।

‘सरकार अविच्छिन्न उत्तराधिकार भएको संस्था हो। राज्य सञ्चालनका नाममा प्रतिशोध र पूर्वाग्रही ढंगले त्यसलाई खण्डितगरी संस्थागत अस्थिरता निम्त्याउने कार्य लोकतान्त्रिक मूल्य–मान्यताविपरीत हुन्छन्’, महासचिव पोखरेलले भनेका छन्, ‘यस्ता कदमहरूले अधिनायकवादतर्फको प्रवृत्तिलाई बल पुर्‍याउने खतरा रहन्छ । विधि, पद्धति, संविधान र संस्थागत निरन्तरताको सम्मान नै लोकतन्त्रको आधार हो ।’