नेकपा (एमाले)को केन्द्रीय सचिवालय बैठक आज पनि बस्दैछ। बैठक एमाले अध्यक्ष केपी शर्मा ओलीको निवास गुण्डुमा आज बिहान साढे ११ बजे बस्ने छ। बैठकमा पार्टीको समग्र अवस्था र निर्वाचनका बारेमा छलफल हुने छ।
उपमहासचिव लेखराज भट्टका अनुसार पाँच जना उपाध्यक्षले हिजो आफ्नो धारणा राखेका थिए। धारणा राख्नेक्रममा हिजो एमालेका ४ जना उपाध्यक्षले नेतृत्व छाड्न अध्यक्ष केपी शर्मा ओलीसँग आग्रह गरेका छन् । ओलीकै निवास गुण्डुमा शुक्रबार बसेको बैठकमा विष्णु पौडेल, गोकर्ण विष्ट, पृथ्वीसुब्बा गुरुङ र रघुजी पन्तले ओलीले नेतृत्व छाड्नुपर्ने बताएका हुन् ।
नेताहरूको कार्यविभाजनलगायतका प्रस्तावमाथि छलफल गर्न बसेको सचिवालय बैठकमा बोलेका ५ मध्ये ४ जनाले ओलीले नेतृत्व छाड्नुपर्ने बताएका हुन् । हिजोको बैठकमा उपाध्यक्ष रामबहादुर थापाले मात्र नेतृत्वको बचाउ गर्नुपर्ने बताएका थिए । आलीले भने कुनै पनि हालतमा नेतृत्व नछाड्ने बताउँदै आएका छन् । आजको बैठकमा १२ जना पदाधिकारीले बोल्ने सूची छ।
प्रतिक्रिया