दुईवटा भैंसी चोरेको आरोपमा १९ बर्षीय सदा पक्राउ

सप्तरी । दुईवटा भैंसी चोरेको आरोपमा जिल्ला प्रहरी कार्यालय सप्तरीले बोदेबरसाईन नगरपालिका-५ जाँजरका १९ बर्षीय शिव कुमार सदालाई पक्राउ गरेको छ ।

मंगलबार डाक्नेश्वरी नगरपालिका-५ पातो सुन्दरपुर टोलका मदनेश्वर सदाको गोठबाट दुईवटा अन्दाजी रातिको १२ बजेतिर भैंसी चोरी भएको थियो ।

गोठबाट भैंसी चोरी भएको भन्ने मौखिक जानकारी प्रहरी कार्यालयमा आउने वित्तिकै प्रहरी टोली खटि गई खोजतास गर्ने क्रममा भैंसीसहित सदालाई बोदेबरसाईन नगरपालिका -१० खडकपुर टोलस्थित हुलाकी सहायक खण्ड भित्री सडक खण्डमा भैंसीसहित पैदल हिँडिरहेको अवस्थामा फेला पारेको जिल्ला प्रहरी कार्यालय सप्तरीका निमित्त सूचना अधिकारी प्रहरी निरीक्षक विजय कार्कीले जानकारी दिए ।

उनीमाथि चोरी कसूर मुद्दामा सप्तरी जिल्ला अदालतबाट ५ दिनको म्याद थप गरी अनुसन्धान गरिरहेको जिल्ला प्रहरी कार्यालय सप्तरीले जनाएको छ ।