जबरजस्ती करणी गरेको अभियोगमा पक्राउ

कैलाली, १८ वर्षीया किशोरीलाई जबरजस्ती करणी गरेको अभियोगमा धनगढी उपमहानगरपालिका-१६ बस्ने २१ वर्षीय प्रदिप चन्द समेत ३ जनालाई आइतबार दिउँसो प्रहरीले पक्राउ गरेको छ । उनीहरूले ती किशोरीलाई जबरजस्ती करणी गरेको भन्ने उजुरीको आधारमा अस्थायी प्रहरी पोष्ट बेहडाबाबाबाट खटिएको प्रहरीले उनीहरूलाई पक्राउ गरेको हो ।  

धादिङ, ३६ वर्षीया महिलालाई जबरजस्ती करणी गरेको अभियोगमा धुनिवेशी नगरपालिका-४ रूपाखेती गाउँ बस्ने ३३ वर्षीय रामशरण रूपाखेतीलाई आइतबार बिहान प्रहरीले पक्राउ गरेको छ । रामशरणले ती महिलालाई जबरजस्ती करणी गरेको भन्ने उजुरीको आधारमा इलाका प्रहरी कार्यालय खानीखोलाबाट खटिएको प्रहरीले उनलाई पक्राउ गरेको हो । 

यसैगरी धादिङ, १९ वर्षीया किशोरीलाई जबरजस्ती करणी गरेको अभियोगमा खनियावास गाउँपालिका-१ नेक्सा बस्ने २८ वर्षीय वर्णबास तामाङलाई शुक्रबार राति प्रहरीले पक्राउ गरेको छ । वर्णबासले ती किशोरीलाई जबरजस्ती करणी गरेको भन्ने उजुरीको आधारमा इलाका प्रहरी कार्यालय दार्खाबाट खटिएको प्रहरीले उनलाई सोही गाउँपालिका-४ बाट पक्राउ गरेको हो । 

यस सम्बन्धमा प्रहरीले आवश्यक अनुसन्धान गरिरहेको छ ।