प्रधानसेनापतिद्वारा दर्ज्यानी चिन्ह प्रदान

काठमाडौँ । उपरथी दर्जामा पदोन्नति भएका सहायक रथी भुवनपूर्ण सत्याल, मानार्थ उपरथी दर्जामा पदोन्नति भएका सहायक रथी रोशन शम्सेर राणा तथा मानार्थ सहायक रथी दर्जामा पदोन्नति भएका महासेनानी उमेश कार्कीलाई दर्ज्यानी चिन्ह प्रदान गरिएको छ ।

मन्त्रिपरिषद्को निर्णय अनुसार उपरथी दर्जामा पदोन्नति भएकाहरुलाई प्रधान सेनापति अशोकराज सिग्देलले आज दर्ज्यानी चिन्ह प्रदान गरेका हुन् ।

जङ्गी अड्डामा भएको कार्यक्रममा नेपाली सेनाका रथी, अधिकृतलगायत पदोन्नति भएका रथीका परिवारजनको समेत उपस्थिति रहेको थियो ।