काठमाडौँ । काभ्रेपलान्चोकको रोशी खोला जलाधार क्षेत्रमा भइरहेको वर्षाका कारण बीपी राजमार्गमा सवारी साधनको आवागमन तत्कालका लागि होल्ड गरिएको छ ।
जिल्ला प्रहरी कार्यालय, काभ्रेपलान्चोकले सोमबार दिउँसो सूचना जारी गर्दै सम्भावित जोखिमलाई मध्यनजर गरी सवारी आवागमन ‘होल्ड’ गरिएको जानकारी दिएको छ । रोशी खोला क्षेत्रमा पानी परिरहेकाले नदीमा बहाव बढ्न सक्ने र राजमार्गमा जोखिम हुन सक्ने अवस्थालाई ध्यानमा राखेर सुरक्षा सतर्कता अपनाइएको प्रहरीले बताएको छ ।
प्रहरीका अनुसार सडक मार्गमा थप कुनै अवरोध नभएको अवस्थामा आवश्यक जाँचबुझ गरी चाँडै अर्को सूचनामार्फत बाटो सुचारु भएको जानकारी गराइनेछ ।
यात्रामा निस्किनुअघि सडकको अवस्था र थप जानकारी बुझ्नका लागि नेपाल प्रहरीको हटलाइन नम्बर १०० वा ट्राफिक प्रहरीको १०३ मा सम्पर्क गर्न जिल्ला प्रहरी कार्यालयले यात्रुहरूलाई अनुरोध गरेको छ ।
प्रतिक्रिया