२१ दिनको अनशनपछि सोनमलाई अस्पताल लगियो, जन्तरमन्तरमा तनाव

काठमाडौं, साउन २ । भारतका केन्द्रीय शिक्षामन्त्री धर्मेन्द्र प्रधानको राजीनामा माग गर्दै अनशन बसेका सोनम वाङचुकलाई दिल्ली प्रहरीले शनिबार बिहान सफदरजंग अस्पताल लगेको छ। जन्तरमन्तरमा प्रदर्शनकारीहरूले प्रहरीलाई रोक्न खोजेपछि तनावको स्थिति सिर्जना भएको थियो।वाङचुक पेपर चुहावट प्रकरणलाई लिएर शिक्षामन्त्री प्रधानको राजीनामा माग गर्दै विगत २१ दिनदेखि आमरण अनशनमा छन्।

आमरण अनशनका कारण उनको स्वास्थ्य स्थिति गम्भीर बनेको छ।दिल्ली उच्च अदालतले बिहीबार केन्द्र र दिल्ली सरकारलाई वाङचुकको दैनिक स्वास्थ्य जाँच गर्न र आवश्यक परेमा उपचार उपलब्ध गराउन आदेश दिएको थियो। डाक्टरहरूका अनुसार वाङचुकले अहिलेसम्म लगभग ९.५ किलो तौल घटाइसकेका छन्।

शुक्रबार २४ घण्टाको अवधिमा थप ३५० ग्राम तौल घटेको थियो। उनको कुल तौल ५६.५५ किलोग्राममा झरेको छ।वाङचुकसँगै एआईएसएका सदस्य नेहा, अमिन र मनिष पनि विगत २१ दिनदेखि भोक हडतालमा छन्। नेहालाई गम्भीर हाइपोग्लाइसेमियाका कारण अस्पतालमा भर्ना गरिएको छ भने अमिन र मनिषको स्वास्थ्य पनि क्रमिक रूपमा बिग्रँदै गएको छ।