जेन्जी सांसदहरूसँग प्रधानमन्त्री बालेनको संवाद: प्रविधि, स्टार्टअप र दिगो विकासमा केन्द्रित

काठमाडौँ । देशको राजनीति र नीति निर्माणमा नयाँ पुस्ताको सोचलाई कसरी एकीकृत गर्ने? प्रधानमन्त्री वालेन्द्र शाहले यसै प्रश्नको उत्तर खोज्न जेन्जी (Gen-Z) उमेर समूहका सांसदहरूसँग विशेष अन्तरक्रिया सुरु गरेका छन्। सिंहदरबारस्थित प्रधानमन्त्री तथा मन्त्रिपरिषद्को कार्यालयमा जारी यस बैठकलाई नीतिगत तहमा प्रविधिमैत्री र रूपान्तरणकारी अवधारणा भित्र्याउने अभ्यासका रूपमा हेरिएको छ।

प्रधानमन्त्रीको सचिवालयका अनुसार यस अन्तरक्रियामा नयाँ पुस्ताका जनप्रतिनिधिहरूका दृष्टि र प्राथमिकतालाई आगामी सरकारी नीति तथा कार्यक्रममा समेट्ने विषयमा मन्थन भइरहेको छ।