काठमाडौं, २७ भदौ । राष्ट्रिय मानवअधिकार आयोगले मानव अधिकार, लोकतान्त्रिक मूल्यमान्यता र कानूनी शासनको जगमा निकास निकाल्न उचित हुने धारणा राखेको छ । आयोगले आज एक विज्ञप्ती जारी गर्दै मुलुकमा विद्यमान सङ्कटपूर्ण परिस्थितिमा राष्ट्रिय मानव अधिकार आयोग राष्ट्रपति रामचन्द्र पौडेलसँग सम्पर्कमा रहेको खुलाएको छ ।
आयोगले मानव अधिकार, लोकतान्त्रिक मूल्यमान्यता र कानूनी शासनको अवधारणाको जगमा निकास निकाल्न उचित हुने धारणा राष्ट्रपतिसमक्ष राखेको छ ।
आयोगका प्रवक्ता डा. टीकाराम पोखरेलले जारी गरेको विज्ञप्तीमार्फत राष्ट्रपतिबाट मानव अधिकार, लोकतन्त्र, शान्ति स्थापना र कानूनी शासनको रक्षार्थ आवश्यक कार्य हुने आयोगको दृढ विश्वास राखेको छ । साथै, वर्तमान परिस्थितिका विषयमा अन्य सरोकारवाला पक्षहरुसँग समेत आयोग निरन्तर सम्पर्कमा रहेको जनाईएको छ ।
प्रतिक्रिया