काठमाडौं, २ असोज । प्रभु साह नेतृत्वको आम जनता पार्टी (आजपा) को केन्द्रीय कमिटी बैठक बोलाएको छ । नयाँ तथा विकसित राजनीतिक परिस्थितिबारेमा धारणा बनाउन असोज ४ गते काठमाडौंमा बस्नेगरि केन्द्रीय कमिटी बैठक बोलाएको हो ।
आजपा केन्द्रीय कार्यालयका सदस्य त्रिभुवन साहले पछिल्लो राजनीतिक अवस्थाको बारेमा धारणा बनाउन केन्द्रीय कमिटीको बैठक बस्न लागेको जनाएका छन् । नेपाली जनताले सबै कुरा अस्वीकार गरिसकेको अवस्थामा पुरानै व्यवस्थालाई स्वीकार गर्न नसकिने उनको भनाई छ ।
संघीय सरकारमात्र नभई ७६१ वटै सरकार र सबै निकाय भ्रष्टाचारमा लिप्त भएकाले संघीय सरकार परिवर्तन गरेर नेपाली जनताको अवस्था परिवर्तन नहुने आजपाले जनाएको छ । नयाँ संविधान र नयाँ सरकारको माग गर्दै आएको आजपाको अब बस्न लागेको केन्द्रीय कमिटी बैठकले के निर्णय गर्ने र कस्तो बाटो तय गर्ने भन्ने चासोका साथ हेरिदैछ ।
प्रतिक्रिया