नवनिर्वाचित सांसदहरुले मातृभाषामा शपथ खाने भए भोलिसम्म जानकारी गराउनुपर्ने

काठमाडौं, ८ चैत्र । २१ फागुनमा सम्पन्न प्रतिनिधिसभाको निर्वाचनपछि नवनिर्वाचित सांसदहरुले यही चैत्र १२ गते शपथ खाने कार्यक्रम तय भएको छ । चैत्र ११ गते प्रतिनिधिसभाका सदस्यहरुमध्ये ज्येष्ठ सदस्यले राष्ट्रपति रामचन्द्र पौडेलले शपथ लिनुपर्नेछ । ज्येष्ठ सदस्यले नै अरू सांसदहरुलाई शपथ खुवाउने प्रचलन छ ।

अहिलेको संसद्मा सबभन्दा ज्येष्ठ सदस्य नेपाली कांग्रेसका अर्जुननरसिंह केसी हुन् । उनी समानुपातिकफर्तबाट सांसदमा निर्वाचित भएका हुन् । नवनिर्वाचित प्रतिनिधिसभा सदस्यहरूले मातृभाषामा समेत शपथ लिने प्रचलन छ । यसअघि पनि मातृभाषामा शपथ खुवाइएको थियो ।

तर, मातृभाषामा शपथ खान चाहेन सदस्यहरुले भोलिसम्म संघीय संसद् सचिवालयलाई जानकारी गराउनुपर्नेछ । चैत्र १२ गते सांसदहरुको शपथ भएपछि चैत्र १३ गते रास्वपाका वरिष्ठ नेता बालेन शाह प्रधानमन्त्रीमा नियुक्त हुनेछन् ।